Chelsea është njëri prej klubeve të interesuar për Cristiano Ronaldon.
Ylli portugez e ka kërkuar largimin nga Manchester United pasi nuk dëshiron ta lëshojë mundësinë për të luajtur në Ligën e Kampionëve në edicionin e ardhshëm.
Për të flitet se interesim ka shfaqur Barcelona, por edhe Atletico Madridi në Spanjë.
Në Gjermani u fol për një interesim eventual të Bayern Munichut, i cili së fundmi hoqi dorë nga ai.
Ndërsa, një tjetër klub që e do Ronaldon është Chelsea.
“Football Insider” madje e ka zbuluar ofertën e “Blues” për pesë herë fituesin e Topit të Artë.
Gjithnjë sipas këtij portali, londinezët janë të gatshëm t’i ofrojnë 16,5 milionë euro për portugezin, i cili ka kontratë edhe një vit me Man Utd.
“Djajtë e Kuq”, nga ana e tyre, janë dorëzuar dhe janë të gatshëm ta shesin portugezin, teksa në vend të tij do të mundohen ta transferojnë Paulo Dybalan.
