Lojtari i ri i Manchester Cityt, Julian Alvarez ka thënë se duke luajtur përkrah Lionel Messit për Argjentinën ai ka realizuar ëndrrën e fëmijërisë.
“Messi ka qenë idhulli im që kur isha fëmijë”, është shprehur ai për faqen Cityt. “Ai është idhulli i familjes sime, idhulli i vëllezërve të mi gjithashtu. Pra, Messi është një hero për mua.
Të luash për vendin tim është një ëndërr e realizuar. Kam ëndërruar që fëmijë të luaja në kombëtare me Messin. Ta arrija këtë në moshën 22-vjeçare, padyshim që më bën të ndihem shumë krenar dhe të lumtur".
Alvarez në janar ra dakord të bashkohej me skuadrën e Pep Guardiolës nga River Plate, por mbeti në huazim. Të premten kampionët e Premierligës konfirmuan se Alvarez do të bashkohej me skuadrën e tyre të parë përpara sezonit 2022-23.
