Nëse PSG-ja nuk mund ta mbyllë përfundimisht nënshkrimin e Skriniar, për të cilin po negocion, por ecuria e negociatave është mjaft e ngadaltë, atëherë do të hidhet në sulm për Jules Koundé.
Sipas informacioneve të “Le Parisien”, qendërmbrojtësi i Sevilla, me kontratë deri në vitin 2024, është alternativa e Luis Campos në rast se sllovaku i Interit nuk përfundon në kryeqytetin francez.
Koundé i ka të gjitha gjasat për t’u larguar nga skuadra iberike këtë verë. Në vitin 2021, ish-lojtari i Bordeaux ishte një hap larg nga Chelsea, por marrëveshja nuk u mbyll përfundimisht.
Tani, Barcelona është një nga skuadrat që është pozicionuar më së miri për të nënshkruar me të, megjithëse nuk përjashtohet që PSG të aktivizojë inkorporimin e tij në rast se negociatat për Skriniar nuk do të avancojnë.
Sipas “Le Parisien”, sllovaku do të luajë në Paris sezonin e ardhshëm dhe, duke përjashtuar një kthesë radikale të ngjarjeve, marrëveshja do të materializohet në javët e ardhshme.
Çmimi i Koundé do të shkonte në 60 milionë euro, një shifër që apriori nuk do të ishte problem për PSG-në, që po përpiqet të mbyllë nënshkrimin e Skriniar për të njëjtën shumë fikse, plus 5 milionë bonuse, ndërkohë që Interi kërkon patjetër 70 milionë euro.
Nga Parisi shpresojnë të zhbllokojnë operacionin në mënyrë që të mos kenë nevojë të eksplorojnë opsione të tjera.
