Viera bind amerikanin e Bayern Munih

Futboll

Viera bind amerikanin e Bayern Munih

Më: 21 korrik 2022 Në ora: 17:08
Viera bind amerikanin e Bayern Munih

Crystal Palace dhe Bayern Munich kanë një marrëveshje për mbrojtësin Chris Richards. Klubi i Premier League do të paguajë 8.5 milionë paund plus 2.5 milionë të tjera për ta transferuar në Angli futbollistin 22-vjeçar.

Ky i fundit ka regjistruar vetëm 10 paraqitje me bavarezët prej momentit kur erdhi nga Dallas, ndërsa tashmë me transferimin e Matthijs De Ligt hapësirat zvogëlohen gjithnjë e më shumë dhe në këtë formë, Richards preferon një eksperiencë të re edhe për t’u rritur më shumë profesionalisht.

Ndërkohë, një nga personat më të rëndësishëm në këtë operacion ka qenë trajneri i Crystal Palace, Patrick Viera i cili e ka dëshiruar lojtarin dhe ka këmbëngulur për ta pasur në organikën e sezonit të ardhshëm.

Në fakt, tekniku francez është një admirues i madh i talentëve me perspektivë teksa në këtë merkato ka firmosur edhe me të rinj si Malcolm Ebiowei nga Derby apo Cheick Doucoure nga Lens.

comment Për komente lëvizni më poshtë
Sot mund të lexoni Shfletoni kopertinat