Gleison Bremer është një ndër blerjet më të mëdha të Juventusit në merkaton verore.
Mbrojtësi brazilian ka qenë shumë pranë transferimit te Interi dhe vetë 25-vjeçari ishte i joshur nga ideja për të mbajtur veshur fanellën zikaltër saqë sipas asaj që raporton “CalcioMercato.com” ai i kishte bërë shumë faqeve në rrjete sociale “like” fotomontazheve të tij me fanellën e Interit.
Por më vonë, pasi zbuloi se Juventusi arriti të mbyllte me sukses marrëveshjen me të, ai menjëherë i hoqi “like”-t në faqet që kishin të bënin me Interin.
25-vjeçari brazilian u transferua nga Torino te Juventusi për shifrën e 41 milionë eurove plus 9 milionë euro bonuse teksa ka firmosur një kontratë 5-vjeçare që do ta mbajë të lidhur në Torino për të paktën deri më 30 qershor 2027 dhe do të përfitojë 5 milionë euro në sezon.
Në sezonin e kaluar me fanellën e Torinos në Serinë A, Gleison Bremer u aktivizua gjithsej në 33 ndeshje duke shënuar 3 gola dhe duke dhuruar gjithashtu edhe 1 asist.
