Pierre-Emerick Aubameyang, si të gjithë tifozët e Barcelonës, është i kënaqur me ardhjen e Robert Lewandowskit në klubin katalanas.
Gabonezi dhe polaku ishin më parë bashkëlojtarë te Borussia Dortmund në sezonin 2013/14 ku shënuan 44 gola mes tyre.
Tani, ish- lojtari i Arsenalit është i bindur se ai dhe Lewandowski do të jenë edhe më mirë së bashku te Barcelona.
“Ne jemi më me përvojë tani dhe mund të bëjmë më mirë se në të kaluarën. Jam i sigurt që të dy do të bëjmë më të mirën për të mposhtur numrat që arritëm në Dortmund,” tha ai për ESPN.
Aubameyang është i bindur se ish-lojtari i Bayern Munichut do t’i lejojë Barcelonës të aspirojë gjëra më të mëdha.
“[Barcelona] do të jetë në gjendje të konkurrojë për të fituar tituj me të gjithë sulmuesit e mëdhenj që ka,” tha ai.
