Në mënyrë të pazakontë dhe jashtë praktikës, UEFA ka ndryshuar tre gjyqtarët e ndeshjes mes CSKA Sofje dhe Makedonija Gjorçe Petrov, nga turi i dytë kualifikues në Ligën e Konferencës, që do të luhet sonte nga ora 19:00 në kryeqytetin e Bullgarisë.
Britaniku David Coote, i cili fillimisht ishte deleguar për këtë takim, nuk do të shërbejë drejtësisë në Sofje dhe në vend të tij vjen rumuni Marcel Birsan dhe ndihmësit e tij.
Nuk dihen arsyet e këtij vendimi, por një gjë interesante bie në sy kur bëhet fjalë për arbitrin rumun. Ai ishte arbitër ndaj CSKA-së edhe verën e kaluar, po ashtu në raundin e dytë kualifikues të Ligës së Konferencës. Madje, ajo ndeshje ishte edhe një revansh, ndaj Liepajas nga Letonia, pasi raundi i parë përfundoi 0-0.
Në ndeshjen e kthimit të arbitruar nga Birsan, rezultati ishte i njëjtë, kështu që CSKA Sofia kaloi në penallti, me rezultatin 3-1.
