Teksa këtë sezon kishte shpresa të larta për kualifikimin e ekipeve shqiptare të futbollit në kompeticionet evropiane, si Liga e Kampioneve apo më shumë Liga e Konferencave, ato u shuan shpejt.
Njëri pas tjetrit, skuadrat e superiores panë teksa ëndrra europiane venitej, duke ngritur dhe një alarm. Vetëm 2 fitore 1-0 minimale u arritën nga Partizani dhe Laçi, nga 12 ndeshje në total që zhvilluan ekipet tona vajtje-ardhje.
Ekipet tona shënuan vetëm 7 gola, kundrejt 16 të pësuar. E thënë ndryshe, skuadrat shqiptare nuk rritën koeficientin e tyre në renditjen e UEFA, ndërsa kampionati shqiptar është në vendin e 48-të nga 55 vende pjesëmarrëse.
Me këto rezultate, kamipnati jonë rrezikon të zbresë me 3 vende në renditjen e UEFA-s, dhe në këtë rast nga 4 skuadra që marrin pjesë në Kupat e Evropës, do të luanin 3, kampionia, nënkampionia dhe fituesi i Kupës së Shqipërisë.
Do të ishte një humbje e madhe për futbollin shqiptar, teksa një leksion duhet ta marrin nga Maqedonia e Veriut dhe Kosova, me Shkëndijën e Tetovës, Shkupin dhe Ballkanin që ndodhen në turin e tretë të Conference League.
