Tashmë edhe zyrtarisht, Arbnor Muja është futbollisti më i ri i Royal Antwerpit.
Klubi belg ka njoftuar këtë të premte për transferimin e 23-vjeçarit nga Drita.
Muja me Antwerpin ka nënshkruar kontratë 3-vjeçare, me mundësi vazhdimi edhe për një vit të katërt.
Sulmuesi mitrovicas do të ketë numrin “11” në fanellë.
Njoftimi i plotë nga Royal Antwerp:
“Arbnor Muja ka nënshkruar kontratë me RAFC. Muja (23) vjen nga FC Drita. Tashmë e njohim mirë atë klub pas përballjes së dyfishtë në raundin e dytë kualifikues të UEFA Europa Conference League.
Arbnor Muja është një sulmues/anësor i gjithanshëm. Kontrata është 3-vjeçare, me opsion për një sezon shtesë. Muja do të luajë me numrin 11.
Mirë se erdhe, Arbnor!”.
