Pavendosmëria e Ronaldos rrezikon të lërë United me një sulmues për sezonin e ri, “Djajtë e Kuq” tentojnë veteranin e Serie A!
Manchester United ka joshur sulmuesin e Bologna, Marko Arnautoviq.
Austriaku ka pasur një takim me drejtuesit e klubit italian.
Ai ka kërkuar që ta shesin atë te “Djajtë e kuq” dhe të rikthehet kështu në Premier League, në moshën 33-vjeçare.
Bologna ka refuzuar deri më tani. Manchester United për të ofron 6 deri në 8 milionë euro për kartonin.
Me një shifër të tillë italianët e kanë të vështirë të gjejnë një zëvendësues për Arnautoviq, të cilit United i ofron marrëveshje 3-vjeçare me pagë 3 milionë euro plus bonuse.
