Pikë të dobëta në lojë ka edhe ekipi i fortë i AIK-ut, i cili të enjten do të takohet me Shkëndijën në ndeshjen e kthimit të xhiros së tretë kualifikuese të Ligës së Konferencës.
Në ndeshjen e xhiros së 17-të në ligën elitare të Suedisë, rivali i Tetovafrëve është mposhtur nga skuadra mesatare e Kalmarit me rezultat 1:0. Është e vërtetë që AIK ka luajtur si mysafir, por është edhe e vërtetë që AIK ka luajtur me formacionin më të fortë, stafi nuk ka eksperimentuar asgjë edhe pse ferri e pret në Shkup të enjten si mysafir i përfaqësueses sonë në Europë.
Kështu që Kalmar i tregoi Shkëndijës se si duhet bërë me AIK-un. Goli i fitores u shënua në minutën e 54-të nga penalltia.
Do të ishte mirë nëse Shkëndija do të mund skuadrën suedeze me atë rezultat. Kujtojmë se, në ndeshjen e parë në “Friends Arena” AIK dhe Shkëndija luajtën 1:1.
Ndryshe, mësojmë se i gjithë stafi teknik i Shkëndijës në krye me strategun Artim Shaqiri e kanë përcjellë me vëmendje të madhe ditën e djeshme ndeshjen mes Kalmarit dhe AIK-ut.