Lojtari nga Bregu i Fildishtë pritet që të përfundojë si i huazuar tek skuadra e Ligue 1.
Nicolas Pepe pritet që të largohet nga Arsenali duke u huazuar në Nice, merr vesh Goal me burimet e saj. Dy skuadrat nuk kanë arritur ende një marrëveshje për sulmuesin anësor, por negociatat janë duke vazhduar.
Pepe ka edhe dy vite kontratë me Topxhinjtë por nuk është pjesë e projektit të Mikel Artetës për këtë sezon.
Futbollisti i Bregut të Fildishtë nuk është paraqitur për skuadrën nga Londra veriore këtë sezon.
Arsenali nënshkroi me Pepe më 2019 duke thyer rekordin e klubit dhe transferuar atë për 72 milionë funte.
Ai bëri 31 paraqitje në sezonin e tij të parë në Premier Ligë por shpejt nuk ishte më pjesë e skuadrës së parë, duke startuar në vetëm 16 ndeshje nga 29 ndeshjet sa luajti në Angli vitin e dytë.
Pepe ishte 11 herë në formacionin startues në Premier Ligë sezonin e kaluar duke bërë 15 paraqitje si zëvendësues.
Në përgjithësi, ai luajti në 112 ndeshje duke shënuar 27 gola për Arsenalin.
Ai është lidhur me një largim për në disa skuadra gjatë verës, por sulmuesi anësor insistoi në korrik se ai është i “përkushtuar” që ta ringjallë karrierën e tij në Arsenal gjatë këtij sezoni.
