Futbollisti shqiptar, Enis Bardhi, anëtar i përfaqësueses së Maqedonisë së Veriut, tha se është i lumtur që shënoi dy gola në debutim për kampionin e Turqisë, Trabzonspor.
Bardhi hyri në lojë në minutën e 43-të kur rezultati ishte 2:0 dhe me dy golat e tij barazoi 2:2, por skuadra e Antaliaspor pati një fund të furishëm duke triumfuar me rezultat 5:2 në këtë ndeshje super interesante.
“Kam luajtur ndeshjen time të parë në kampionatin turk dhe mund të them se ishte e mrekullueshme, cilësia është në një nivel të lartë.
Jam i lumtur që shënova gola në ndeshjen e parë, por do të më pëlqente më mirë nëse do të kishim fituar. Duhet të nxjerrim një mësim dhe të mos përsërisim gabimet që kemi bërë”, tha Bardhi.
