Ivan Balliu po njeh vetëm rritje në karrierë. Nga La Liga 2 me Almerian, mbërriti në La Liga te Rajo Vajekano dhe tani është gati të hedh edhe hapin më të rëndësishëm në jetën e tij sportive.
Futbollisti shqiptar është gjithnjë e më pranë firmës me Vijarealin. Lajmin e pohon edhe Gerard Romero, i cili shkruan: “Vijareali është pranë mbylljes së marrëveshjes me mbrojtësin e krahut të djathtë të Rajo Vajekanos, Ivan Balliun”.
“Nëndetësja e verdhë” është një skuadër e njohur në kampionëtin spanjoll, e cila sezonin e shkuar mbërriti edhe në gjysmë-finale të Ligës së Kampionëve, duke befasuar të gjithë opinionin sportiv.
Ndërkohë, sezonin e shkuar Vijareali e përfundoi në vendin e 7 të tabelës dhe është një hap larg grupeve të Ligës së Konferencës, ku me siguri do të provojnë të ngrenë lart trofeun..
