Merkato është futur në ditët e fundit të saj. Emri i Bernardo Silvës vazhdon të lidhet me PSG-në dhe Barcelonën, por Pep Guardiola është i bindur që lojtari ofensiv, të cilin e vlerëson shumë, do të vijojë karrierën në “Etihad Stadium”.
Times raporton se PSG ka ofruar 70 milionë euro për kartonin e 28-vjeçarit të kombëtares portugeze, por kampionët e Anglisë e kanë refuzuar atë.
“Bernardo do të qëndrojë me ne. Nuk kemi marrë asnjë telefonatë nga ndonjë klub.
Ky është shkaku pse them që ai nuk do të largohet. E përsëris: Bernardo do të qëndrojë te Manchester City”, deklaroi trajneri spanjoll në konferencën për shtypin përpara duelit të së shtunës ndaj Crystal Palace.
