Gjiganti anglez, Liverpool, më në fund ka arritur ta gjejë transferimin e një mesfushori në merkaton aktuale verore.
Në fakt, Liverpooli e la këtë gjë në ditën e fundit të afatit kalimtar të transferimeve, ku tani ka mbetur vetëm zyrtarizimi nga klubi që ka arritur marrëveshje për të transferuar Arthur Melon.
Melo do t’i bashkohet skuadrës së Jurgen Klopp nga gjiganti italian Juventus, ku marrëveshja do të jetë në formën e huazimit pa përfshirë opsionin me të drejtë blerjeje.
Siç raportohet nga gazetari i njohur, Fabrizio Romano, Melo ka kompletuar testet mjekësore dhe e ka nënshkruar kontratën e tij si lojtar i ri i Liverpoolit.
Mesfushori brazilian veçse ka biseduar edhe me Jurgen Klopp sa i përket rolit të tij në skuadër, ndërsa raportohet se ai do të mbajë numrin 16 ose 18 në fanellën e tij.
