Hektor Belerin dhe Markos Alonso janë zyrtarisht futbollistët më të rinj të Barcelonës.
Të dy mbrojtësit spanjollë prej kohësh ishin në radarët e klubit katalanas dhe në fund të merkatos ata janë prezantuar.
Belerin rikthehet dhe njëherë aty ku nisi çdo gjë. 27-vjeçari nuk ishte më në planet e Artetës dhe kështu ai është gati për një aventurë të re në Barcelonë, ku më parë ka qenë pjesë e akademisë.
Nga ana tjetër, Markos Alonso, ishte pjesë e marrëveshjes mes klubit spanjoll dhe Çelsit për transferimin e Aubamejang. Duke parë interesin e fortë të Barçës për spanjollin, klubi anglez ja ofrojë atë plus 14 milionë euro për Aubamejang, me palët që gjetën akordin.
