Ferizaj po përgatitet për sfidën e radhës në Kampionatin e Kosovës, kundër Drenicës në Skenderaj.
Gentrit Halili vlerësohet si mbrojtës i pathyeshëm dhe që i jep siguri ekipit.
“I pathyeshmi i mbrojtjes, Gentrit Halili apo ndryshe siç e quajmë ‘The Great Ëall’.
Nëse duhet ta përshkruajmë me fjalë, atëherë do të duhen shumë rreshta për ta treguar kualitetin dhe performancat e këtij djaloshi.
Luftarak, agresiv, pozicionim perfekt, ndërhyrje vendimtare, e mbi të gjitha qetësia dhe eleganca në momentin që e ka topin.
Këto janë vetëm disa nga tiparet që e bëjnë të veçantë numrin '4' të ekipit tonë.
Gentriti është shtylla e mbrojtjes, muri i fundit dhe i pakalueshëm për ekipin kundërshtar.
Mbi të gjitha ai është vetëm 20-vjeçar dhe lojtar me një të ardhme të ndritur. Shumë njerëz nuk e besojnë moshën e tij të re sepse duke e shikuar nga performanca, ai të jep bindjen e një lojtari me shumë vite përvojë”, shkruan në faqen e klubit ferizajas.
