Prishtina – Ballkani, sfidë që sjell drithërima në mesin e tifozëve qoftë kryeqytetas qoftë të therandasve.
Kampioni është në presion të skuadrës me renome Prishtina.
Derbi i madh zhvillohet nesër në orën 20.00 në stadiumin “Fadil Vokrri” në Prishtinë.
Kryetrajneri i Prishtinës, Ismet Munishi, fton të gjitha lagjet e Prishtinës, që të vijnë në stadium në përkrahje të klubit të zemrës.
Prishtina e ka filluar edicionin për mrekulli, tri ndeshje, dy fitore e një barazim dhe një ndeshje e ka më pak, ndërsa Ballkani ka dy fitore dhe dy ndeshje me pak të zhvilluara.
“Kohët e fundit jemi duke u përgatitur për të kremtuar 100 vjetorin e klubit në mënyrën më të mirë, në mënyrë fantastike.
Mesazhi im shkon për ndeshjen, nesër i ftojë gjithë lagjet e Prishtinës që të na bashkangjiten dhe të na ndihmojnë drejtë qëllimit tonë, që ta kthejmë klubin më të trofeshëm, më të lavdishëm shqiptari aty ku e ka vendin.
Nesër iu presim, të jeni të gjithë së bashku, na ndihmoni masovikisht, forca Prishtina, forca ‘Plisat. Nesër do të jetë natë fantastike për neve”, thotë Munishi përmes një video të postuar në facebook.
