Derbi më i madh në Itali pothuajse edhe në Kontinentin e Vjetër, mes Milanit dhe Interit, padyshim se kënaqi dashamirët e lojës më të popullarizuar në botë.
Milani, kampion në fuqi, ka shënuar fitore me përmbysje, me rezultat 3:2 ndaj rivalit të vjetër dhe të përbetuar Interit, në takimin e javës së pestë.
Derbi i çmendur e për t’u mbajtur mend dhe me kthesa në rezultat.
Giroud
Në minutën e 21-të, Marcelo Brozoviç pothuajse i harruar nga mbrojtja e Milanit, del i vetmuar me portier dhe me gjakftohtësi shënon në këndin e poshtëm, 0:1.
Gëzimi nuk zgjati shumë dhe kuqezinjtë barazuan rezultatin.
Futbollisti Rafael Leao në minutën e 28-të, me zgjuarsi veproi dhe barazon shifrat 1:1.
Brozoviç
Pjesa e dytë edhe më atraktive dhe më 3 gola tjerë.
Futbollisti Olivier Giroud në minutën e 54-të realizon për 2:1 në favor të Milanit.
Leao, lojtar më i mirë i ndeshjes, me një veprim shkollor e qet jashtë loje mbrojtjen e Interit dhe shënon për 3:1 pikërisht në minutën e 60-të.
Pas këtij golit, Interi shfaqet shumë më i rrezikshëm duke krijuar disa raste ideale por më i merituari është portieri i MIlanit, Maignanm, që priti disa gjuajtje të sulmuesve.
Boshnjaku Dzeko shënon në minutën e 69-të, duke e ngushtuar humbjen në 3:2, për të cilin ishte edhe goli i 199 në Serie A.
Pas javës së pestë në Seri e A, Milani kryeson me 11 pikë dhe Interi bie në të pestin me 9 sosh.
Ndeshje e fortë dhe me tetë kartona të verdhë: te Milani u ndëshkuan Hernandez, Giroud, De Ketelaere, Tonali, Leao dhe te Interi Dumfries, Brozoviç e trajneri Inzaghi.