Kampioni i Evropës, Real Madrid, është gati për sfidën e parë të fazës së grupeve në Champions League.
Reali e fillon misionin e mbrojtjes së titullit në Glasgou, kundër skuadrës skoceze Celtic.
Gjyqtari nga Kosova, Bekim Zogaj, me nënshtetësi të Zvicrës, prej gjyqtarëve më të mirë në Zvicër, është caktuar asistent i parë i gjyqtarit kryesor në përballjen Celtic – Real.
Gjyqtar kryesor është Sandro Scharer, asistent i parë Bekim Zogaj dhe asistent i dytë Jonases Emi.
Ndeshja zhvillohet me 6 shtator në orën 21.00 në kuadër të Grupit F.
Reali është në grup me Celtic-un, Shakhtar Donetsk-yn dhe Lepipzig-un.
Zogaj kudo që ka referuar në garat e nivelit më të lartë, gjithmonë është vlerësuar me nota shumë të mira.
Është gjyqtar i vetëm shqiptar që referon në nivelet më të larta, tani do të ndajë drejtësinë në sfidën mes gjigantit skocez dhe kampionit të Evropës.
