Xhejms Adenij ka shkëlqyer me një dygolësh ditën e djeshme me fanellën e Tuzlasporit në Turqi!
Ish-sulmuesi i Skënderbeut ka arritur të lërë gjurmë në këtë takim të fituar nga ekipi i tij ndaj Erzurumsporit me shifrat 4-1, duke qenë protagonist i suksesit me përmbysje.
29-vjeçari nigerian fillimisht shënoi në minutën e 8′ pas një krosi që i erdhi në zonë dhe mjaft bukur i është ç’markuar mbrojtësve kundërshtar duke e dërguar topin në fundin e rrjetës.
Më pas Xhejms, shënoi golin e dytë personal dhe për ekipin e tij me penallti në minutën e 12′.
Këto ishin dy golat e parë për ish-sulmuesin e Laçit dhe të Skënderbeut në këtë edicion të ri në Ligën e Parë turke në katër ndeshje të zhvilluara.
