David Silva u rikthye sërish në ndjekje të Manchester Unitedit, pasi ndihmoi Real Sociedadin në fitoren e mbrëmshme 1-0 në Evropa Ligë.
Ishte një rikthim i lumtur në Manchester për 36-vjeçarin të enjten në mbrëmje me Real Sociedadin.
Silva luajti një rol kyç për të ndihmuar skuadrën e tij drejt fitores, pasi gjuajtja e tij që goditi krahun e Lisandro Martinez çoi në penalltinë mjaft të diskutueshme, nga e cila Brais Mendez shënoi golin e fitores.
Pas fitores, Silva hyri në llogarinë e tij në “Twitter” dhe bashkoi një foto të tij duke luajtur në terrenin e shenjtë me mbishkrimin: “Edhe një herë”. Llogaria zyrtare e Real Sociedadit postoi më pas një video të legjendës së Manchester Cityt, duke u larguar nga stadiumi me mbishkrimin “Manchester është bardheblu”.