Dukagjini i Klinës kthehet me pikë nga stadiumi “Liman Gegaj” në Malishevë.
Klinasit barazojnë me rezultat 1:1 me Malishevën, në takimin e javës së 6-të të elitës së futbollit të Kosovës.
Dukagjini luajti me tre sulmues në pjesën e dytë dhe kjo e dha efektin e vet, duke barazuar rezultatin.
Në minutën e 24-të, Alban Shillova, kaloi në epërsi Malishevën.
Erblind Morina në minutën e 77-të, godet bukur nga gjuajtja e lirë, nga krahu i majtë, mu afër vijës së 16-shit, shënon në shtyllën e parë të portierit Gashi, 1:1.
Dukagjini është në fund të renditjes me 2 pikë dhe Malisheva në të katërtin me 7 sosh.
Në javën e ardhshme, Malisheva luan në udhëtim me Prishtinën dhe Dukagjini e pret Drenicën.
