Jude Bellingham mund të ndryshojë klub gjatë afatit kalimtar të verës së vitit të ardhshëm.
Gazetari nga “Sky Sport Deutschland”, Florian Plettenberg, për “Football Daily” është shprehur i sigurt se mesfushori do të largohet pas përfundimit të sezonit.
Dy klubet e mëdha angleze, Manchester United dhe Liverpooli, thuhet se janë favoritët kryesorë për të nënshkruar me Bellinghamin.
Nga gara nuk përjashtohet as Real Madridi, klub i cili ishte i lidhur me transferimin e 19-vjeçarit në afatin kalimtar të verës së këtij viti.
Reprezentuesi anglez ka kontratë të vlefshme deri më 30 qershor 2025. Ai në tregun e transferimeve vlerësohet me 80 milionë euro.
Jude Bellingham në “Signal Iduna Park” ishte transferuar nga Briminghami në vitin 2020 për 25 milionë euro.
