Trepça ‘89 ka shënuar fitore në xhiron e tetë në Albi Mall Superligën e Kosovës.
Mitrovicasit mposhtën 3-0 Dukagjinin në “Riza Lushta”, duke thelluar krizën e klinasve, shkruan Gazeta Olle.
Trajneri i ‘89-shit, Shpëtim Idrizi pas ndeshjes tha se është shumë i lumtur me fitoren dhe i gëzuar që nuk pranuan gol.
“Jam shumë i lumtur që fituam tri pikë. Më gëzon fakti që nuk morëm gol për herë të parë këtë sezon. I jemi qasur ndeshjes vetëm për fitore dhe i përgëzoj djemtë për angazhimin dhe për atë që treguan gjatë 90 minutave. Morën tre pikë shumë të rëndësishme.
Ndoshta shumicën e ndeshjeve i kemi dominuar, por na ka munguar fati në këtë aspekt. Djemtë reaguan shumë mirë pas barazimit me Ferizajn. Kjo fitore është arritur falë tyre”, ka thënë Idrizi.
