Një tjetër skuadër është futur në garë për Caglar Söyüncü: mbrojtësi i datëlindjes 1996 është drejt largimit nga Leicester dhe mund të përfundojë në Serinë A tek Juventus.
Zgjerohet kështu lista e skuadrave të interesuara për mbrojtësin turk, i cili është afër skadnecës së kontratës që ka me klubin e Premier League.
Te Dhelprat që nga viti 2018-të ai u mor nga Freiburg-u për reth 20 milionë euro dhe sot vlera e tij është rreth tridhjetë milionë euro.
Prej kohësh, në gjurmët e tij është Roma, që sfidon Atletico Madrid për të siguruar shërbimet e mbrojtësit turk, aktualisht i ndalur nga një problem në gju.
Kontrata e 26-vjeçarit skadon verën e ardhshme dhe ai do të jetë i lirë të arrijë një marrëveshje me një ekip të ri që në merkaton e janarit.
Në garën dyshe mes Atletico-s dhe Roma-s mund të ndërhyjë Juventus, që synon ta përforcojë mbrojtjen për sezonin e ardhshëm.
