Cristiano Ronaldo është viktimë e “mosmirënjohjes”, sipas Carlos Carvalhal, i cili po mbështet yllin portugez për t'i bërë kritikët e tij të “skuqen”.
Ronaldo është nën vëzhgim intensiv për paraqitjen e tij zhgënjyese në fitoren 4-0 të Portugalisë në Ligën e Kombeve ndaj Republikës Çeke, gjatë së cilës ai pësoi një dëmtim të dhimbshëm në hundë.
37-vjeçari ishte shumë jashtë ritmit dhe bëri gabime bazë gjatë 90 minutave, duke çuar në thirrjet për Fernando Santosin për ta hequr atë nga 11-ta e tij startuese.
Ish-trajneri i Swanseas, Carvalhal, i cili tani është në krye të ekipit të Emirateve të Bashkuara Arabe, Al Wahda, është hedhur në mbrojtje të bashkatdhetarit të tij përpara ndeshjes së radhës të Portugalisë kundër Spanjës.
Ai shkroi në Twitter: “Mosmirënjohje. Një nga lojtarët më të mirë të të gjitha kohërave, që ka luajtur gjithmonë me krenari për kombëtaren tonë, kur ndoshta për herë të parë ka nevojë për mbështetje... shumë e kthejnë shpinën dhe vetëm e kritikojnë. Ndoshta sot ata nuk do të skuqen nga turpi... Forca e Portugalisë, forca CR7”.
Ronaldo gjithashtu ka bërë një fillim të dobët të sezonit në nivel klubi për Manchester Unitedin.
Pesë herë fituesi i Topit të Artë ka vetëm një gol nga tetë paraqitje në të gjitha garat dhe është hedhur në stol për katër ndeshjet e fundit të Djajve të Kuq në Premier Ligë.
Portugali do të jetë nikoqire e Spanjës sot (e martë) në kuadër të Ligës së Kombeve, ndeshje e cila fillon nga ora 20:45..
