Roberto Firmino do të largohet nga Liverpulli, pas 7 viteve në “Anfield Roud”.
Sulmuesi brazilian iu bashkua gjigantëve anglez në verën e vitit 2015 nga Hofenheim për 41 milionë euro dhe që nga ajo kohë ka qënë një futbollist shumë i rëndësishëm.
Por vitin e fundit braziliani ka humbur vendin e titullarit dhe tanimë është futur në vitin e fundit të kontratës me “The Reds”.
Gjiganti anglez i ka ofruar rinovimin, por Firmino e ka refuzuar atë pasi dëshiron një aventurë të re. Skuadra më e interesuar për brazilianin mbetet Juventusi, por bardhezinjtë nuk duan të paguajnë për të në janar dhe e duan falas në verë.
Nuk përjashtohet mundësia që autori i tre golave dhe tre asistimeve këtë sezon të rikthehet në janar në Gjermani. Gjithnjë sipas tabloidit anglez The Sun, Dortmund është gati të shpenzojë 10 milionë euro për brazilianin.
