Përmes një postimi të publikuar në llogarinë e legjendës argjentinase në Instagram vjen një tjetër përgjigje për deklaratat e fundit të ish-sulmuesit të Barit për Napolin që në vitin 1987 fitoi kampionatin dhe Kupën e Italisë.
Deklaratat e Antonio Cassanos për cilësinë e skuadrës së Napolit që në vitin 1987 fitoi kampionatin e parë në historinë e tij janë stigmatizuar dhe janë bërë objekt kritikash të ashpra nga një pjesë e madhe e grupit, i cili nën drejtimin e Ottavio Bianchi në pankinë dhe Diego Armando Maradona në fushë, ditën të shkruanin historinë e klubit të kaltër dhe të gjithë futbollit italian.
Nga Alessandro Renica te Giuseppe Bruscolotti, deri te Ciro Ferrara, hezituan të thonin fjalën e tyre ndaj ish-FantAntonio. Megjithatë, tashmë ka qenë edhe vetë familja e Maradonës, e cila përmes llogarisë zyrtare në Instagram me emrin e Diego-s ka dashur t'i përgjigjet Cassanos, ndonëse tërthorazi, pa përmendur asnjëherë ish-sulmuesin, sipas mendimit të të cilit argjentinasi ishte lojtari i vetëm me vlerë absolute në atë Napoli.
“Të shohësh fytyrën tënde të kënaqur, ndërkohë që sheh shokët e skuadrës nga ai Napoli duke festuar, i thotë të gjitha – shkruhet në postim – Ti ke qenë një adhurues i futbollit dhe lojtarëve të tij, veçanërisht shokëve të skuadrës, në të gjitha klubet në të cilat ke luajtur. I mbroje dhe i respektoje gjithmonë, brenda dhe jashtë fushës”.
E gjithë kjo shoqërohet me një foto që daton në festën e fitimit të Kupës së Italisë 1987 në finalen e dyfishtë kundër Atalantës, një muaj pas fitores.
