Armando Broja përballë Milanit, në fushë zbret edhe Juventusi e Real Madridi. Ja sfidat e mbrëmjes së sotme!
Sonte, Champions-i do të zhvillojë 8 ndeshje të tjera të fazës së grupeve, të cilat premtojnë spektakël dhe surpriza.
Në orën 18:45, do të luhen takimet Lajpcig-Sëlltik dhe Salcburg-Dinamo Zagreb.
Në orën 21:00, vëmendja totale do të jetë te Çelsi i Armando Brojës të cilët do të sfidojnë shtatë herë fituesit e Ligës së Kampioneve, Milanin, në stadiumin “Stamford Bridge” të Londrës.
Juventusi do të presë në stadiumin “Allianz” izraelitët e Makabi Haifës, ndërsa Reali i Madridit do të luajë në “Santiago Bernabeu” ndaj Shaktar Donjetsk.
Ndeshjet e tjera janë: Benfika-PSG, Mançester Siti-Kopenhagen, Sevilja-Dortmund.
