Futbollisti i Interit, Mkhitarian fitoren kundër Barcelonës, ia ka dedikuar trajnerit Simone Inzaghit.
‘Nerazurët’ mbrëmë mundën Barcelonën (1-0), në kuadër të fazës së grupeve në Ligën e Kampionëve.
Mkhitarian mendon se kjo fitore është tejet e rëndësishme për gjithë skuadrën.
“Fitore për Simone Inzaghin? Fitore për të gjithë ne. Na duhej besim për t'u rikthyer në nivelin tonë. I përgëzoj shokët e skuadrës për mënyrën se si ata luftuan”, tha Mkhitarian.
Pas kësaj fitore, Inter renditet në pozitën e dytë në Grupin C me gjashtë pikë, tri më shumë se Barcelona, dhe pikërisht sfida e radhës në mes këtyre dy skuadrave që luhet në ‘Camp Nou’ vendos skuadrën që do të kualifikohet në rundin tjetër të garave në elitën e futbollit evropian.
