Anis Mehmeti është duke kaluar një formë fantastike në Angli.
Lojtari i Wycombe është protagonist në League One, teksa ka realizuar pesë gola në këtë nisje të kampionatit.
Ndërkohë ky futbollist është përzgjedhur mes më të mirëve për lojtarin e muajit shtator në League One.
Megjithatë Mehmeti mbetet ende në pritje të një ftese nga Kombëtarja A, pasi është grumbulluar vetëm nga Alban Bushi te Shpresat e U-21.
Ajo që duhet theksuar është fakti se pavarësisht se bëhet fjalë për nivelin e tretë të futbollit anglez, ky kampionat është më tepër konkurrues sesa nivelet e dyta të shumë kampionateve të tjera në Europë.
