Bayerni kthehet me një pikë nga stadiumi “Signal Iduna Park” në Dortmund.
Kampioni në fuqi, Bayerni, ka barazuar me rezultat 2:2 me Dortmundin, në takimin e javës së nëntë në Bundesliga I.
Goretzka në minutën e 33-të realizoi për epërsinë 0:1.
Në minutën e 53-të, Sane nga rreth 18 metra shënoi gol të bukur (0:2).
Futbollisti Moukoko në minutën e 74-të nga rreth 14 metra realizon gol të bukur dhe ngushton rezultatin.
Në fund të takimit, Coman i Bayernit, ndëshkohet me karton të kuq pas dy të verdhëve.
Në minutën e 90+5, Anthony Modeste ia mohon fitoren Bayernit, barazon rezultatin 2:2.
Union Berlini kryeson me 17 pikë, duke lënë pas Freiburgun me 16, Bayernin 16, Dortmundin 16, Werderin 15 pikë etj.
