Ademi së bashku me Giressen në Frankfurt, uron që Kosova të ketë fat në shortin për kualifikimet e Euro 2024!
Presidenti i FFK-së, Agim Ademi së bashku me përzgjedhësin Alain Giresse, po qëndrojnë në Frankfurt, aty ku nesër bëhet tërheqja e shortit për kualifikimet për Euro 2024.
Ademi ka uruar që Kosova të ketë fat në short dhe një cikël të suksesshëm në këto kualifikime.
"Me përzgjedhësin Alain Giresse në prag të shortit për kualifikimet për Euro 2024, që do të tërhiqet, të dielën, në mesditë në Frankfurt.
Uroj që të kemi fat në short dhe një cikël të suksesshëm në këto kualifikime për të realizuar synimin e madh – pjesëmarrjen në Evropian", ka shkruar Ademi.
