Kylian Mbappe s’është në situatë aspak të mirë te skuadra e Paris Saint-Germain.
Ylli francez, Kylian Mbappe nuk po kalon në momentin më të mirë të mundshëm.
Lojtari ishte pranë kalimit te skuadra e Real Madrid, por në fund vendoste të vazhdonte me PSG.
Por, premtimet që iu dhanë lojtarit për të nënshkruar rinovimin duket se nuk po i dalin të realizuara.
‘Le Parisien’ shkruan se Mbappe fillimisht s’është i lumtur me pozitën që ia ka dhënë Christophe Galtier.
Është pikërisht pozita ku ai po luan që nuk korrespondon me premtimet që iu dhanë lojtarit, shton e përditshmja franceze.
Mbappe së fundmi ka humbur lëvdatat që i merrte në baza javore. Tani, edhe sjelljet e tij që nuk lidhen me futbollin kanë filluar të vihen në pikëpyetje.
Mbetet të shihet se si do ta kalojë lojtari këtë krizë aktuale.
