Kur gjithë vëmendja është përqendruar te supersfida mes Barcelonës dhe Interit, në Milano Romelu Lukaku vazhdon të kryejë stërvitje të diferencuar dhe të jetë burim lajmesh negative në kampin zikaltër.
Koha e rikthimit të belgut, që është ndalur që në fund të gushtit për shkak të një tërheqjeje në kofshën e majtë, është shtyrë gjithmonë e më shumë dhe pas Barcelonës, probabiliteti është i madh për të mos e parë atë në fushë as të dielën ndaj Salernitanës.
Për të mos e rrezikuar, stafi mjekësor mund ta shtyjë rikthimin e sulmuesit deri në fundjavën e ardhshme kur Interi do të përballet me Fiorentinën, por nuk është ky i vetmi lajm pesimist në Apiano Xhentile.
Pikëpyetja më e madhe është Marselo Brozoviç, që sipas “Tuttosport” mund të ketë mbyllur vitin kalendarik me Interin.
Kjo është frika e stafit mjekësor të zikaltërve, që kroati mund të mos kthehet në dispozicion të Inzagit deri në fillim të nëntorit, kur klubi do të jetë në aktivitet, për të qenë gati për Botërorin dhe për ta shtyrë rikthimin në fushë me zikaltrit deri në janar.
