Kur kanë mbetur afro edhe një muaj deri në fillim të Kampionatit Botëror “Katar 2022’, kombëtare të shumta janë duke iu frikësuar lëndimeve të lojtarëve me klubet e tyre përkatëse.
Rast konkret ishte edhe lëndimi i N’Golo Kantes në stërvitjet e Chelseat, ku tani ylli francez do ta humb Botërorin “Katar 2022”.
Ky nuk ishte problemi i vetëm te Franca, pasi që edhe mesfushori Paul Pogba thuhej se do të mungonte në Katar si pasojë e lëndimit.
Por sipas raportimeve të fundit nga mediat franceze, respektivisht nga “L’EQUIPE”, shanset e Pogbas për të luajtur në Kupën e Botës janë rritur me mesfushorin që pritet të rikthehet në stërvitje te Juventusi javën e ardhshme.
Padyshim që ky është një lajm i mirë për kombëtaren franceze, e cila dëshiron që t’i ketë futbollistët më të mirë në grumbullim për Botërorin “Katar 2022”.
