Ferizaj është thelluar në krizë të rezultateve, si pasojë e kësaj janë edhe në fund të renditjes me vetëm 8 pikë, hiq më mirë nuk po kalon as Malisheva e cila është në pozitën e parafundit me 8 pikë pas 11 jave në elitën e futbollit të Kosovës.
Ferizajt me kryetrajner të ri, kroatin Panadiç, nesër synon fitore ndaj Malishevës, çdo rezultat tjetër është katastrofë për ta.
“Një ndeshje interesante na pret ditën e nesërme, ku skuadrës tonë i duhet vetëm fitorja asgjë tjetër, nuk ka rëndësi.
Duke lënë anash humbjen e xhiros së kaluar, me stërvitjet intensive nga trajneri i ri, ne nesër hyjmë me qëllimin e vetëm, arkëtimin e 3 pikëve.
Lojtarët që nga dita e diel kanë filluar përgatitjet për këtë ndeshje, duke shfaqur seriozitet e ambicie që nesër pikët e plota të mbesin në Ferizaj.
Ndeshja do të zhvillohet nga ora 13:00 në stadiumin e qytetit në Ferizaj.
I ftojmë të gjithë adhuruesit e futbollit, e sidomos tifozët tonë, që nuk kanë munguar asnjëherë deri më tash, që nesër të jenë të pranishëm aty ku i kërkon koha dhe vendi për përkrahje te djelmoshave tanë”, njofton FC Ferizaj.
