Sulmuesi i ri i Napolit, Khviça Kvaratskhelia, është padyshim ylli i ri i Serisë A, duke shënuar 7 gola dhe duke dhuruar 6 asiste në 14 ndeshje me skuadrën italiane në të gjitha kompeticionet.
Interesi për të është rritur padyshim pas këtyre performancave fantastike me Napolin në fillimin e këtij sezoni dhe klubet më të mëdha europiane e kërkojnë atë në skuadër.
Njëri prej tyre është edhe Mançester Siti, me Pep Guardiolan që e ka kërkuar gjeorgjianin për të qenë pjesë e ekipit të tij në sezonin e ardhshëm.
Kështu “Qytetarët” po bëhen gati që të bindin klubin italian me një ofertë të bujshme për ta lënë të lirë 21-vjeçarin.
