Komisioni Disiplinor i Federatës së Futbollit të Malit të Zi, duke vepruar në bazë të raporteve të Komisionit të Garave të Federatës, ka marrë vendim, ndalohet prania e tifozëve “Barbarët” për katër ndeshje kur luan Buduçnosti i Podgoricës si mysafirë, për shkak të shqetësimeve të shkaktuara nga tifozët e tyre të organizuar gjatë ndeshjes së javës së 12-të Meridianbet 1. CFL, mes skuadrës shqiptare Deçiqi dhe asaj malazeze Buduçnosti.
Buduçnosti u dënua për shkak se “Barbarët” kundër Deçiqit në Zllaticë, hodhën mjete piroteknike në fushë, gjë që solli ndërprerjen e lojës.
Komisioni Disiplinor vendosi një gjobë prej 500 euro për OFK Petrovac për shkak të organizimit të dobët të ndeshjes.
Gjithashtu, trajneri i Petrovacit, Mladen Lambuliq, është gjobitur me 400 euro për sjellje josportive – fyerje ndaj gjyqtarëve të ndeshjes pas përfundimit të ndeshjes së javës së 11-të Meridianbet 1.CFL, e luajtur mes Buduçnostit dhe Petrovacit.
