Kroatja Ana Maria Markoviç, futbolliste e Grasshopper Club Zurich Frauen të Superligës së Femrave të Zvicrës, tha në një intervistë me “20min”: “Më pëlqyen artikujt që më quanin futbollistja më e bukur, sepse jam e lumtur me veten time. E di se jam e bukur… Por më pas u shfaqën artikuj që më përshkruanin si “futbollistja më se*si. Kjo nuk më pëlqeu”.
Ana Maria Markoviç, e cila aspiron të luajë në Superligën e Femrave të Anglisë (WSL), denoncon: “Ajo që bën dallimin mes futbollistëve burra dhe femra është, për shembull, kur unë pozoj me bikini në rrjetet sociale, ose kur e bën këtë Erling Haaland me rroba banje. Duket te komentet dhe pëlqimet që merr secili…” Ja pjesa më pikante e intervistës së bukuroshes kroate, e lindur dhe rritur në Zvicër, ku edhe luan.
A keni pasur oferta nga klube të tjera?
Po, nga klubet e Superligës Angleze të femrave dhe të Bundesligës. Do të isha më e interesuar të shkoja në Angli më vonë.
Për meshkujt, potenciali i marketingut të transferimeve luan gjithashtu një rol. Me një milion ndjekës në Instagram, a do të kishit një ndikim në çdo klub?
Për të qenë e sinqertë, potenciali i marketingut nuk luan ndonjë rol për mua. Unë jam e gjitha për performancën dhe disiplinën sportive. Stërvitem shumë fort çdo ditë.
Cili është roli juaj në ekip?
Një përzierje e ndjenjës së mirë dhe motivuese. Unë jam një nga të parat në terrenin stërvitor dhe një nga të fundit që largohem prej aty.
