Xavi e përjetoi keq eliminimin nga Champions League, njësoj si lojtarët dhe tifozët e Barcelonës.
Gjithsesi, sezoni është i gjatë dhe ekipi katalanas do të garojë deri në fund për fitimin e titullit kampion dhe Europa League.
42-vjeçari ka kontratë deri në vitin 2024 me Barcelonën, drejtuesit kanë konfirmuar besimin kundrejt tij pas humbjes 0-3 ndaj Bayern Munchen, teksa vetë trajneri komentoi të ardhmen e tij dhe të skuadrës.
“Kam besim maksimal tek projekti i klubit. Këtë sezon synojmë të fitojmë tituj. Rezultatet pozitive do të vijnë. Nëse jo, atëherë do të vijë një trajner i ri”, theksoi ish-kapiteni i Barcelonës.
Më pas një koment për merkaton e janarit: “Bordi po punon në lidhje me këtë temë, por është ende herët për të folur rreth afrimeve të janarit.”
Skuadra katalanase renditet në vendin e dytë në La Liga. Reali kryesues është tri pikë larg, ndërkohë që sfida e radhës për Barçën është ndaj Valencias në “Mestalla”.
