Dani Alves është atraksioni i madh i kësaj jave në stërvitjen e filialit të Barcelonës, të drejtuar nga meksikani Rafa Márquez. Braziliani 39-vjeçar kënaqet, stërvitet dhe mëson lojtarët e Barça B, ndërsa qëndron në formë të mirë në rast se Tite vendos ta përfshijë në kombëtaren e Brazilit për Kupën e Botës.
Anësori e përfundoi sezonin me Pumas dhe klubi i tij aktual i dha leje të stërvitej me filialin e Barcelonës për të mos humbur tonin fizik. Alves dhe Márquez ishin në ekipin e parë të Barcelonës në sezonet 2008-2009 dhe 2009-2010, në të cilët së bashku fituan 2 tituj La Liga, 1 Champions League, 1 Kupë Mbreti, 1 Superkupë Spanjolle, 1 Superkupë Evropiane dhe 1 Botëror për Klubet.
Pikërisht këtë të premte, Rafael Puente është prezantuar si trajneri i ri i Pumasit dhe ka treguar se e ka në plane Dani Alves për sezonin e ardhshëm: “Dani Alves është konsideruar për këtë projekt, ai ka kontratë, por ne nuk kemi folur ende. Do të flasim më vonë me të dhe bashkëlojtarët e tij për fillimin e një projekti ndryshe”.
Ashtu si Puente, nënkryetari sportiv i Pumas, Miguel Mejía Barón, foli për rëndësinë që do të ketë Alves në projektin e ri të ekipit: “Dani Alves është një djalë shembullor, me ndikim dhe profesionist.
Ai ka një kontratë me ne dhe po e presim këtu. Kam besim se Rafael do të mund të përfitojë nga Dani, ai do të na lërë shumë gjëra si shkollë”.
