Eric Choupo-Moting po fiton gjithmonë e më shumë hapësirë te Bayern Munchen. Sulmuesi kamerunas, edhe pse nuk është kthyer në një titullar fiks te kampionët e Gjermanisë, ka arritur që të shënojë 8 gola deri më tani në të gjitha kompeticionet.
Sulmuesi afrikan shënoi një gol shumë të bukur në fitoren 2-0 që Bayerni arriti të martën ndaj Interit. Në një prononcim për kanalin zyrtare të klubit ai u shpreh.
“Champions League është një kompeticion i madh dhe ne duam të fitojmë çdo ndeshje.
Ne e dimë se është diçka e veçantë të arrish gjashtë fitore në një grup si ky me Interin dhe Barcelonën, por kjo është ajo që ne donim. Bayerni ka cilësi të mjaftueshme për të mposhtur këdo”, deklaroi Choupo-Moting.
