Olivier Giroud vendimtar te Milani! Në sfidën më të rëndësishme të kësaj pjese të parë të sezonit, francezi shënoi një dygolësh në rezultatin 4-0 të kuqezinjve ndaj austriakëve te Salzburg që i lejoi Djallit të të rrëmbejë pasimin për 1/8 e Champions League dhe të rikthehet pas nëntë vitesh mes 16 skuadrave më të mira të Europës.
Para ndeshjes, në dhomat e zhveshjes së Milanit kishte shumë tension, sepse të gjithë e dinin se sa e madhe ishte “copa e tortes” qe luhej. Dhe në këto momente del në pah personaliteti i lojtarëve të mëdhenj që dinë të tërheqin pjesën tjetër të bashkëlojtarëve drejt objektivit. Giroud u tregua i tillë edhe sezonin e kaluar: ai shënoi të ashtuquajturat “golat e Scudettos”, domethënë në derbin e kthimit, në Napoli dhe ndeshjen e fundit kundër Sassuolos.
Kanë mbetur edhe tre ndeshje para ndalesës për Botërorin, kompeticion që Giroud do të dëshironte ta luante me Francën e tij. I intervistuar nga Canal +, bashkëlojtari i tij në Milano, Zlatan Ibrahimovic, deklaroi se numri 9 i kuqezinjve meriton të thirret nga trajneri Deschamps dhe tha fjalë të bukura:
“Nëse Giroud e meriton Kupën e Botës? Po, ai është një fitues dhe një njeri serioz. Ai nuk eshte dikush qe do te shenoje ndonjehere 40 gola ne vit, por i sjell skuadres dicka qe te tjeret nuk e bejne. Nuk eshte egoist, luan per te gjithe. Kur erdhi dha nje dore te madhe për ekipin dhe bëri gjëra të mëdha”, fjalët e suedezit të raportuara nga tuttomercatoweb.com.
Pas dopietës, e kryesuar nga asistimi për Krunic dhe Messias, Olivier Giroud foli për transmetuesit francezë, duke u ndalur edhe tek thirrja e mundshme për Botërorin. Ky është mendimi i sulmuesit kuqezi të raportuar nga Le10Sport: “Lista që do të dalë të mërkurën e ardhshme? Do të shohim, do të shohim … Ka ende objektiva me klubin tim para asaj dite.
Pastaj do të shohim , por nuk jam unë ai që vendos. Kam bërë mirë për javë të tëra dhe është gjithashtu e shkëlqyer nga pikëpamja e besimit. E djeshmja ishte një ndeshje e rëndësishme dhe është bukur të jesh i pranishëm në ndeshje të caktuara dhe te lesh gjurmet e tua. Duhet te vazhdoj keshtu”.
