Kampionati i Kosovës në futboll ka shënuar një tjetër progres në renditjen e ligave të UEFA-s.
Tani vendi ynë zë pozitën e 33-të, kjo falë paraqitjes dinjitoze të Ballkanit në fazën e grupeve në Ligën e Konferencës
. Futbolli i Kosovës në vitet e fundit ka shënuar rritje në të gjitha aapektet, e ku instalimi i sistemit VAR, por edhe projekti i katapultave GPS kanë pasur ndikim të madh në zhvillimin e hovshëm.
Po ashtu, rol të rëndësishëm në këtë drejtim ka pasur edhe përmirësimi i infrastrukturës, ku FFK në bashkëpunim me institucionet lokale ka bërë ndërtimin e shumë fushave stërvitore.
