Inter dhe Juventus janë gëzuar pasi kanë marrë lajme pozitive. Skuadrës “zikaltër” të Italisë i është bashkuar Marcelo Brozovic, i cili ka qëndruar për rreth 42 ditë jashtë fushës së blertë prej dëmtimeve.
Mesfushori është rikthyer në skuadër dhe do të jetë në stol në ndeshjen e sotme kundër Juventusit.
Nga ana tjetër edhe “Zonja e Vjetër” vjen në këtë përballje me përforcime. Skuadrës së Allegrit i është bashkuar Angel Di Maria.
Argjentinasi po ashtu kishte një kohë të gjatë jashtë fushës së blertë prej dëmtimeve, por duket se tashmë është i gatshëm për të luajtur sërish.
