Kryetrajneri i Prishtinës, Ismet Munishi, është i njohur për deklarata të nxehta por ndonjëherë kur i shkon përshtati rezultati edhe taktizon duke përdorur gjuhën diplomatike si në rastin e ditës së djeshme.
Prishtina ka barazuar me rezultat 2:2 me Gjilanin, në takimin e javës së 15-të të elitës së futbollit të Kosovës.
Pse deklarata e javës mund të vlerësohet e Munishit? Ai përgjigjet me një gjuhë të paparë deri me sot sepse ka prirje të hatashme për të thumbuar apo për të sulmuar ashpër kur i bëhet e padrejtë, për kësaj radhe ka thënë: “Nuk e dija a ishte apo jo gol”.
Munishi në një formë iu shmang në mënyrë diplomatike duke kursyer nervat e tij dhe të tjerët.
Edhe Ismet Munishi po bën politikë!
“Jam shumë i kënaqur me pikën e fituar.
Na munguan dy lojtarë të rëndësishëm, kapiteni Gledi Mici dhe Mërgim Pefqeli, të cilët i kanë dhënë energji të madhe lojës tonë. Jam i kënaqur me paraqitjen e lojtarëve të rinj, Albin Prapashticës dhe Arlind Shabanit. I befasoi të gjithë goli i dytë i Gjilanit.
Nuk e dija a ishte apo jo gol. Por, kjo nuk ka shumë rëndësi, pasi ka qenë një ndeshje e mirë. Tifozët ishin në nivel”, ka thënë Munishi për faqen e FC Prishtina.
