Derbi i madh ndërmjet Gjilanit dhe Dritës u mbyll me barazim 1-1 në Stadiumin me bari sintetik në Gjilan.
Ishte kjo përballje e vlefshme për xhiron e 16-të në Albi Mall Superligën e Kosovës, shkruan Gazeta Olle.
Trajneri i Gjilanit, Zekirija Ramadani pas ndeshjes tha se barazimi ishte epilogu real, pasi asnjëra skuadër nuk e meritoi fitoren.
“Ishte një derbi i vërtetë më shumë duele, mendoj se e kemi menaxhuar mirë situatën edhe ndeshjen. Në shënuam të parët dhe ishim afër fitores, por në fund na ndëshkoi Drita për të barazuar.
Epilogu real ishte barazimi, pasi asnjëra prej ekipeve nuk e merituam fitoren për shkak se nuk krijuam shumë raste”, tha Ramadani.
Gjilani renditet në pozitën e tretë në tabelë me 23 pikë të mbledhura pas 16 javësh.
